الرئيسية
ما تهمني
تبتعد تقترب مني ما تهمني
تبجي وآنة اضحك ابسني
هم ما تهمني
صح جنت آني احبك!!!!
بس اسف خيبت ظني
جنت يوم الي اشوفك كلبي كلة ايطير مني
وصح بيك الحسن كلة واعيونك ايخبلن هذني
ما اجامل عود احبك روح بلة ابتعد عني
لان دكاتك جوني
وما تهمني
ما اريد الشفتة منك ظيم وهموم وقهر
وانتة نايم بالعوافي وانة ليلية ابسهر
وياما الكم صرت ناطور الظهر
وياما دمعي شكك اخدودي ورسم بيهن نهر
وهسة جاي اتريد ارجع
روح عني ما تهمني
صدك عانيت ابغيابك وشمتت عذالي كلهة
وصدك ضكت الموت بعدك وروحي ماتت محد الهة
ومن بعد ما روحي تنسة اتريد ارجعلك واذلهة
لان لجماتك بكلبي اثرن بية وعمني
وما تهمني
شنو تقنعني واحبك ونرد نعشك من جديد
تعتقد وايصير ممكن ؟
وكلبي صايرلك حديد
غشمت نفسك واجيت حتى انسى آني اشأريد
رايد اخذ حقي آني
صرت ضدي انتة وزماني
اوياك هاي الناس كلهة وآني وحدي
وابقة وحدي وابقة اكلك وابقة اعيد
ما تهمني تبتعد تقترب مني وتقترب وتبتعد عني
مـــــــــــــــــــــاتهمني
